TACLOBAN CITY- Temporaryo nga sasaradhan iton karsada ha may Bridge (DPWH) to Baras-Candahug Road, tinikangan yana nga adlaw Oktobre 15-21, 2024.
Sumala kan PLT. Mary Antonette Espina Information Officer, Leyte Police Provincial Office (LPPO), ine in may paghisumpay ha pagdudumaraon nga commemoration han ika-80th Leyte Gulf Landings ha October 20, 2024.
Dugang pa ni Espina, nga gin-aaghat an ngatanan nga maki-usa ha paghatag hin dungog han kaisog ngan sakripisyo hadton mga nakig-bisog han Ika-duha nga Gyera Pankalibotan.
Ginpaangbit naman hine nga sobra 200 nga mga PNP personnel, an ira ginpan-augment para ha tidaraon nga komemorasyon han Leyte Gulf Landings.
An nasabi nga mga uniformed personnel in agud nga makaghatag hin talwas nga seguridad ha nasabi nga lugar, ngan an mga ine in ma-duty kutob na ha petsa 21 hiton Oktubre.
Samtang labot la ha mga kapulisan, kasugbong gihapon nira an pira pa nga mga tinaglawas hiton BFP, PATU ngan iba pa nga mga personahi nga makakabulig agud nga mamentinar an kahimyang ngan seguridad han nasabi nga lugar.
Ginlalauman naman nga damo an matambong nga mga dagko nga personalidad ha tidaraon nga ika-80th Leyte Gulf Landings ha October 20, 2024.
