TACLOBAN CITY – Kalung-kagong na ha presohan an usa nga barangay kagawad mahuman nga madakop ha gindumara nga drug buy-bust operation han mga otoridad ha Brgy. Bilwang, Kawayan Biliran.
Ginkilala an suspek kan Jerry Monsales Rojas, 48 anyos an pangidaron, miyembro han Sanggunian Barangay han mao nga lugar.
Sumala kan Rogelette Urgel, tagapagyakan han PDEA Region 8, nga umabot anay hin sobra tuig nga ginmaman-manan han mga operatiba an mao nga suspek ugsa ini nga madakop.
Nakuha ha posesyon hini an 3 ka sachet han gintutuuhan shabu nga may estimated market value nga P85, 000 ngan P1,000 nga marked money.
Naatubang naman an mao nga suspek ha kaso nga pagtalapas han RA 9165 ngan yana in temporaryo nga nakadetine ha locked up cell han Kawayan PNP.
