Nag-deactivate na han iya Instagram account an Filipino-American pageant titleholder nga hi Brandon Espiritu mahuman makakarawat hin grabi nga batikos ha social media kasunod han iya pahayag may paghisumpay ha gintatawag nga “halfies” o mixed-race Filipino contestants.
Hi Espiritu nga nagrepresenta ha Pilipinas ha 2024 Mister Supranational Pageant ha Poland in ginsukna mahuman batonon an usa nga netizen nga nagpakiana kun kay-ano waray hiya kumanta han Tagalog nga karantahon ha usa nga video kaupod an iba pa nga international candidates.
Ginbaton niya nga dire masuber an Pilipinas ha mga pageantry kun waray ha ira nga mga halfies nga nakakarawat naman hin damo nga negatibo nga reaksyon ha publiko.
Kasunod han kontroberiya, napansin han mga netizens nga humamubo gihapon an iya Instagram followers tikang ha sobra 214,000 kutob ha 198,000 ugsa dayon nga gin-deactivate an iya account.
