TACLOBAN CITY – Nagpahimtangon an Business Permits and Liscensing Division ha mga pampasaheros nga sarakayan nga dire magin singabot, ine in kasumpay ha pagsukot hin over-charging nga pasahe han usa nga MCH driver ha usa nga estudyante ha syudad han Tacloban.
Sumala kan Gemafiel Gaspay, Head hitun Business Permits and Liscensing Division, usa nga Brgy. Chairman an nag reklamo may paghisumpay hine nga isyu nga kun diin an usa niya nga molupyo nga gin suktan hin over-charging nga pasahe.
Subay han mao nga opisyal, gin suktan hin P40 an usa nga minor han usa nga drayber han MCH.
Gin-isyuhan naman an mao nga drayber hin citation ticket nga kun uutruhan pa an panukot han sugad kadako nga pasahe in tatangalan han ira franchise.
Dugang pa han mao nga opisyal, nagsabot naman an drayber ngan estudyante nga P20 la itun pasahe pero han paghaw-as na niya in ginsuktan utro hiya hin dugang nga P20.
Nagpahimatngun naman an mao nga opisyal ha mga pasaheros nga kun may-ada hira ma-encounter nga sugad hine nga isyu in dayun la makipagsumpayan ha mao nga buhatan agud matagan hin kaangayan nga solusyon.
