-- Advertisements --
TACLOBAN CITY – Naalarma an mga tawo ha Northern Samar Provincial Hospital ha Catarman Northern Samar mahuman nga may makit-an nga usa nga gintutuuhan nga Improvised Explosive Device (IED) nga may surat nga “ISIS”.
Subay han imbestigasyon han mga kapulisan kaupod an K9 unit han Philippine Army nga paraphernalia la an nakada IED ngan waray ini kaupod nga explosive.
Nagtutuo an mga kapulisan nga usa nga bomb scare an mao nga panhitabo.
Samtang, dayon naman nga gindara ha Catarman Police Station an nakuha nga mga paraphernalia.
