NATIONAL NEWS-Ginklaro ni acting Senate President at Senate President Pro Tempore Sherwin Gatchalian nga an opisyal nga Blue Ribbon Committee han Senado la an ginkikilala han institusyon ha bisan anu nga imbestigasyon o hearing.
Subay kan Gatchalian, dire kikilal-on han Senado an bisan anu nga parallel o bulag nga hearing nga gindudumara gawas han opisyal nga komite nga ginpapangunahan naman ni Senator Erwin Tulfo.
Gintagan duon pa hine, nga waray legal nga basarana o awtoridad tikang ha institusyon an bulagnga mga hearing.
Gin-esplikar pa han opisyal nga seryoso nga himangrawon an pagtudlok ngan pag-imbestiga ha korporasyon sanglit kinahanglan ine in pagdumaraon ha sakto nga proseso ngan ha lehitimo nga forum han Senado.
Nanawagan gihapon hi Gatchalian ha mga testigo ngan resource persons nga makipagbuligay, ngan umatinder la ha mga opisyal nga hearing han Blue Ribbon Committee.
Ginhimo ni Gatchalian an pahayag kasunod han nauna nga abiso ni Senator Erwin Tulfo nga waray nakatalaan nga opisyal nga hearing an komite yana nga adlaw Martes, Hunyo 16, 2026 kadungan han anunsyo ni anay Congressman Mike Defensor.
Manunumduman, nagkamayda hin bulag nga hearing han nakalabay ha pangunguna ni Senator Pia Cayetano kasumpay ha imbestigasyon ha anomalya han flood control projects.
Ha pagkayana, ginklaro han liderato ni Gatchalian nnga uusala an opisyal nga Blue Ribbon Committee ngan ine la an mayda awtoridad nga magdumara hin pormal nga imbestigasyon.
