TACLOBAN CITY – Duro na nga nakakaapekto ha magkadirudilain nga sektor partikular ha mga negosyante an halawig nga blackout ha Leyte tikang pa dida han nakalabay nga semana kun diin guinlalauman na guihapon an dako nga epekto hini ha ekonomiya han probinsya.
May kalabutan hini, guinmalatumat ni Philippine Chamber of Commerce and Industry-Leyte president ngan Palo Councilor Wilson S. Uy nga kalakip an mga negosyante ha probinsiya partikular na ha syudad han Tacloban an pinaka grabe nga naaapektaran han kawaray kuryente mahuman nga bumay-og an 6.5 magnitude nga linog dida han nakalabay nga semana.
Ini guihapon an naging sentimyento ni Tacloban Filipino-Chinese Chamber of Commerce and Industry President Jack Uy, kun diin guinpahayag hini nga mismo an mga rikuhanon la nga negosyante ha Leyte an diri apektado ha kawarayan han kuryente mahitungod nga may iparalit an mga ini hin generator sets agud mamintinar an operasyon han negosyo.
Maabaruan nga maoobserbaran an sobra nga kaaringasa ha syudad han Tacloban mahitungod han damo nga generator set nga guin gagamit han mga establisimyento para may magamit nga kuryente.
