Kumpyansa an Bureau of Internal Revenue (BIR) nga ira makakab-ot an target collection yana nga tuig bisan man kun mayda nae-eksperyensyahan nga krisis ha Middle East.
Subay ha BIR, ha syahan nga duha kabulan pala han tuig-2026 in umabot na ha sobra P530.05 bilyon han ira nakolekta nga kita.
Mas hitaas ini ha ira target nga P2.2 bilyon nga net of tax refunds.
Igin parayaw gihapon han BIR nga mas hitaas an nasbai nga nakolekta ha syahan nga duha kabulan han tuig kumpara ha parehas nga bulan dida han 2025.
Nakab-ot ini mahitungod ha suporta tikang ha national development samtang ginpo-proteheran an katungod han mga taxpayers.
Manunumduman nga waray na sukta han value-added tax (VAT) han BIR an mga indigenous natural gas ngan pira nga mga power generation transactions.
