MAC ARTHUR LEYTE— Ginkompirma han Bureau of Internal Revenue (BIR) region 8, nga maabot ha 5 ka klase hiton sigarilyo an nakumpiskar pinaagi hiton entrapment operation han kapulisan ha MacArthur Leyte.
Sumala kan Atty. Neil Cordero, Chief Regional Investigation Division, BIR RR 14 Eastern Visayas, purluminos 2,267 packs an nakuha hiton mga kapulisan nga waray permit.
An mga ine in waray excise stamps, karuyag sidngon waray ine umagi ha BIR ngan waray ine magbayad hin buhis.
Ginbabana-bana naman nga maabot hin P200,026.00 an nasabi nga kantidad han smuggled nga sigarilyo.
Mababaruan nga an nasabi nga sigarilyo in dire manufacture ha Pilipinas, karuyag sidngon tikang ha iba nga nasud an nagpapaluyo han mga smuggled nga sigarilyo.
Posible naman nga umatubang hin kapresuhan 4-8 katuig an mga madadakpan nga nagbabaligya han nasabi nga elicit cigarette.
Nanawagan naman ine ha mga tindahan, labi an mga nagbabaligya hiton sigarilyo nga likayan nga pumalit hiton barato nga sigarilyo nga waray tax tikang ha BIR.
