TACLOBAN CITY – Mahatag iton Biliran Provincial Government hin tag Php 3,000 ha kada kablas nga estudyante nga nag-gradwar ha Biliran Province State University (BIPSU) agud nga magamit nira ini pamiling hin trabaho.
Sumala kan Governor Gerard Roger Espina, iton 1,400 BIPSU nga mga estudyante nga nagradwar ha dida han nakalabay nga Setyembre 20 iton makakakarawat hini nga ayuda nga igpapanhatag sunod nga semana.
Ginhangyo ni Governor Espina ha mga graduates nga gamiton an kwarta ha pagproseso han ira mga dokumento ha pag-aplay hin trabaho para diri hira magin stambay.
Kinahanglan la nga magpasa an mga qualified graduates han photocopy han ira valid identification card, certificate of indigency ngan forms nga ira pipirmahan nga available ha mga provincial government satellite offices.
Mahuman an application, in magkakaada na hin mass payout an pamunuan han Biliran.
