NATIONAL NEWS– Waray hunong an gobyerno ha pagpapadeport ha mga ilegal nga alien ha nasud.
Ginkumpirma ine han Bureau of Immigration nga maabot ha 115 foreign national an naipadeport han ahensya matungod ha pagigin illegal alien han mga ine yana nga tuig.
Sumala kan Immigration Commissioner Joel Anthony Viado, maabot ha 44 Vietnamese nationals an ira naipadeport han nakalabay nga June 3.
Ginsundan ine han ada ha 12 nga South Koreans, 26 nga iba pa nga mga Vietnamese nationals han June 4 ngan usa nga Malagasy national ngan kadugangan nga 25 nga Vietnamese national han Hunyo 6.
Subay ha datos han ahensya, kadam-an ha mga ine in mga langyawanon nga naaresto mahuman an sunod-sunod nga pagkasa han operasyon ha mga Philippine Offshore Gaming Operators .
Manunumduman, una na nga ginmando ni Pangulong Ferdinand Maros Jr. nga dire magpapabilin an POGO ha nasud, mahuman nga mahibaruan nga kanit ine ha mga kriminalidad.
