TACLOBAN CITY – Nagpahimatngon an Bureau of Fire Protection BFP-8, ha publiko kasumpay han paglikay han sunog yana nga kapaskuhan ngan bag-o nga tuig.
Sumala kan CSupt. Adel De Paz, Regional Director han Bureau of Fire Protection Regional Office 8, importante daw nga umagi han inspection han DTI an mga pinanmalit nga pan display sugad nala han christmas lights agud masigurado an safety han ngatanan.
Masasabtan naman nga safe an mga pinanmalit kun may-ada ine tatak nga PS mark o kun ICC sticker nga nakadukot ha mga produkto.
Nagpahimatngon gihapon ine ha mga pamilya nga malakat ha ira mga panimalay nga panginanuon anay an mga saksakan ugsa ine magkalakat o di man ngani in parungon nala an main switch.
Gindidire naman an paggamit han mga firecrackers nga nakakadistroso o nakakabulahaw ha mga tawo.
