TACLOBAN CITY – Maabot ha 196 nga benepisyaryo an nakatagam-tam han ginpanhatag han Bureau of Fisheries and Aquatic Resources (BFAR-8), nga mga seaweed nga igtaranom han mga farmers ha Dawahon Island Bato Leyte, kun diin kadam-an ha mga seaweed in nagkaguguba tikang han nakalabay nga bagyong Odette.
Sumala kan Vicenta Projimo, Focal Person for Seaweed Developement Program BFAR- 8, nga han nakalabay nga Agusto 23-25, 2022, nandestribwer an ira buhatan ha pira nga mga farmers ha mao nga lugar.
Dugang pa han mao nga opisyal, dire la igtaranom nga seaweed an ira ginpanhatag, magin mga sakayan pandagat o motor banca ngan engine oil in naghatag gihapon an mao nga buhatan ha mga benepisyaryo.
Ginmalatumat naman hine nga an pagpapatubo han seaweed in maabot la ha 45-50 kaadlaw an kikinahanglanon mahuman in pwede na ine ma- harvest.
Gintagan naman hine hin duon nga importante an produkto nga seaweed, matungod nga iton mga pangunahon nga pangamit sugad hiton, shampoo, tambal, make up, ngan damo pa nga iba an ginhahaluan han nasabi nga seaweed.
