TACLOBAN CITY– Ginpanhimuwa hiton Baybay City Police, an nagsarang nga report nga daw gin-aaligar may bomba ha sulod hiton VSU Main Campus Baybay City.
Sumala kan Baybay City Police, Chief PltCol. Nerro Hobrero, waray kamatuoran an nasabi nga report nga nakarawat han nasabi nga unibersidad.
Dayon naman nga nagdumara hin panginano an han-ay hiton kapulisan mahuman nga maka-karawat hin report, nga nag-aaro an nasabi nga unibersidad hin police assistant, kasumpay ha nasabi nga bomba.
Nagpatuman naman hin kanselasyon hiton klase an nasabi nga eskwelahan, agud nga masigurado an katalwasan han mga estudyante.
Humagos naman hin 3 ka-oras an nasabi nga panginano, ugsa igdeklara nga usa la nga panguwat an nasabi nga bomb threat.
Ginpaangbit ni Hobrero, nga nakarawat an bomb threat pinaagi hiton email han registrar office han nasabi nga eskwelahan.
Ha pagkayana, balik-normal na an klase han nasabi nga unibersidad.
