TACLOBAN CITY – Nagpapadayon an gindudumara nga nasyunal nga paisan-isan o Batang Pinoy 2025 ha General Santos City kun diin pormal ine nga gin abrihan dida han nakalabay nga adlaw, Oktubre 25.
Sumala kan Tacloban City Sports Office Head, Michael Octaviano, pagdudumaraon yana nga adlaw an pira nga mulay nga gin buligan han mga atleta syudad labot la han Jiu Jitsu, nga magdudumara pala han ira solidarity meeting.
Pira ha mga mulay nga ginbuligan han syudad in an Archery, Athletics, Badminton, Chess, Futsal (Boys), Jiu Jitsu, Karatedo, Sepak Takraw, Swimming, ngan Taekwondo.
Samtang, ada naman ha 150 nga mga atleta an ginpadara han syudad ha nasabi nga paisan-isan kaupod an ira mga coaches ngan trainers.
Magpapadayon an aktibidad kutob ha Oktubre 31, pero pagdudumaraon an closing ceremony ha Oktubre 30.
Ha lain nga bahin, ginpasabot naman hine ha mga kag-anak han mga atleta nga waray makaupod ha General Santos City nga safe ngan napapanginano hin maupay an ira mga anak, sanglit waray igkabarak an mga ine.
