-- Advertisements --
NATIONAL – Igin duon han Malakanyang nga an loyalty ni Presidente Ferdinand Marcos Jr. in nasarig ha balaod ngan interes han nasud.
Pahayag ine han Palasyo kahuman han pagtawag han kampo ni anay Presidente Rodrigo Duterte kan PBBM nga traydor.
Sumala kan Palace Press Officer Undersecretary Claire Castro, labot ha balaod, mas tangkod an presidente ha mga biktima han extrajudicial killings (EJKs) mahitungod ha madugo nga war on drugs han naglabay nga administrasyon.
Mahitungod hine, nagdig-on an Palasyo nga kaparehas nga kooperasyon ha Interpol la gihapon an igpapatuman han Pilipinas kun mayda ipaaresto nga indibidwal.
Dire daw nira tatagan hin special treatment an bisan hin-o nga suok kan Presidente Marcos Jr.
