TACLOBAN CITY — Patay an usa nga kapitan mahuman nga pagpamusilon ha interior nga barangay han San Antonio, Hilongos Leyte.
Nakilala an biktima kan Kapitan Virgilio Lucyas, residente han mao nga lugar.
Sumala kan Lt. Col. Roberto Obaob, station commander han 78th IB, subay ha ira inisyal nga imbestigasyon nga nangingisda an biktima kaupod an iya ugangan ngan bayaw han tigda nala nga may dumaop nga tulo nga lalaki nga armado hin M16 ngan nagpakiana kun hino ha ira hi kapitan mahuman in dayon ini nga ginpanmumusil.
Nag-angkon hin damo nga igo ha magkadurudilain nga lawas an biktima.
Subay ha pamilya hini nga waray naman daw nakakarawat nga death threat an mao nga kapitan ngan waray daw gihapon ini kakontra ha ira lugar.
Suspetsa han mga otoridad nga mga miyembro han New Peoples Army (NPA) an nagpapaluyo ha mao nga panmatay.
Ha pagkayan in padayon pa an gindudumara nga imbestigasyon han mga otoridad maypaghisumpay ha mao nga insidente.
