TACLOBAN CITY – Patay an usa nga Brgy. Chairman mahuman nga pusilon ine ha atubangan han ira panimalay ha Brgy. Silvino, Lubos Northern Samar.
Sumala kan PCol. Alfredo Tadefa, Provincial Director han Northern Samar Police Provincial Office, gin daop daw an biktima hin tulo katawo ngan tigda nala ine nga ginpanmumusil. Nag-angkon naman ine damo nga igo hin bala rason han dayun hine nga kamatayon.
Nahikit-an ngan nahikilal-an naman daw han anak han kapitan mga suspek mahitungod nga nagprubar ine nga anak nga sibuon an mga supek pero ginpabutuhan gihap ine rason para maigo an usa nga paa hine.
Ginkilala naman an mga kapitan kan Yolando Jarito Sr ngan an iya anak nga hi Yolando Jarito Jr.
Samtang, ginkilala liwat an mga suspek kanda Pedrin Julbetado, Emar Orpeza, ngan Saldy Bantillo. Ginkilala liwat an mga suspek kumo mga myembro han News People’s Army.
Waray naman madakop an mga suspek pero napasakahan ine hin mga kaso nga murder ngan frustrated murder
