TACLOBAN CITY- Arestado an usa nga butcher ha guindumara nga buy-bust operation han mga otoridad ha corner nga dalan han Zamora ngan Juna Luna, Barangay 25 ha syudad han Tacloban.
Guinkilala an nakatalapas nga hi Melanio Setosta Ponferrada Jr., 43 anyos an pangidaron ngan residente han Brgy. 99, Diit, Tacloban City.
Nakumpiska tikang ha possession ni Ponferrada an 3 ka transparent sachet nga may sulod han guintutuuhan shabu nga nagtitimbang hin 50.0 gramos ngan guinbabana-bana nga nagkakantidad hin Four Hundred Thousand Pesos (P400,000.00).
Guinpasakahan hin kaangayan nga kaso hi Ponferrada mahitungod ha pagtalapas han Section 5 (Sale of Dangerous Drugs) and Section 11 (Possession of Dangerous Drugs), Article II han RA 9165.
Samtang, temporaryo nga nakapaslak hi Ponferrada ha PDEA RO8 Detention Facility para ha kaangayan nga disposition.
