-- Advertisements --
ENTERTAINMENT–Gin-iimbestigahan na han mga kapulisan han los Angeles an pamumusil ha panimalay han singer nga hi Rihanna.
Nakakarawat kasi hin tawag an Los Angeles Police Department mahuman nga ginpanmusil an balay han singer ha Beverly Hills.
Nakarekober an kapulisan hin basyo hin waray pa kasabtan nga kalibre hin pusil ha lugar.
Basar ha inisyal nga imbestigasyon nga usa nga sarakyan an pumara ha atubangan han balay kun diin usa nga babayi nga ada ha edad nga 30 an nagpabuto hin pusil ha balay han singer.
Waray naman nasamaran ha insidente kun diin adto ha sulod han iya mansion an singer.
