-- Advertisements --
TACLOBAN CITY – Naugbaw ha nahitabo nga sunog an usa nga panimalay ha Sitio San Roque, Brgy. Larrazabal, Naval, Biliran.
Sumala kan FO3 Earl Ramieve Ramirez, Duty Investigator han Naval Fire Station, an mao nga panimalay in gintatag-iyahan ni Christopher Palconit ngan basar ha imbestigasyon nagtikang an kalayo ha ira kwarto kun diin nagcharge an tag-iya han iya rechargeable battery nga energizer.
Ha pagkayana in padayon pa an imbestigasyon bahin han hinungdan han mao nga sunog.
Maabot naman ha P180,000 an inisyal nga danyos nga naidurot han mao nga insidente kun diin waray naman naitala nga naawatan hin kinabuhi labot la ha minor injury nga naangkon han tag-iya han panimalay.
