INTERNATIONAL – Igpapatuman na yana nga Lunes (oras ha Amerika) an bag-o nga kamandohan ni United States President Donald Trump nga travel ban o diri pagtugot ng makasulod ha Estados Unidos an mga mulupyo nga tikang ha 12 nga nasud, partikular na an Afghanistan, Myanmar, Chad, Congo, Equatorial Guinea, Eritrea, Haiti, Iran, Libya, Somalia, Sudan, ngan Yemen.
Samtang an pito nga kadugangan nga nasud nga tikang ha Burundi, Cuba, Laos, Sierra Leone, Togo, Turkmenistan, ngan Venezuela in makakaada hin limitasyon ha pagsulod ha Amerika.
Sumala kan Trump, panuyo-an hini nga protektaran an Estados Unidos tikang ha mga tarhog han mga langyawanon nga terorista mahitungod nga an nasabi nga mga lugar in gintutu-ohan nga mayda maluya nga seguridad ha visa ngan mayda hitaas nga ihap hin mga visa overstay.
Samtang, dismayado naman an pira nga lider han mga nasod nga apektado han travel ban, kalakip na hi Chad President Mahamat Idriss Deby Itno nga iginmando an pag-undang an paghahatag hin visa para ha mga Amerikano.
