-- Advertisements --
NATIONAL – Ginkumpirma han Commission on Elections nga padayon la gihapon an konstraksyon han ira bag-o nga opisina ha Pasay City.
Subay ha poll body, target han komisyon nga mahuman an pagbug-os hine ngada hiton 2028.
Ginbuhat ni Comelec chairperson George Erwin Garcia an kumpirmasyon kadungan han gindumara nga groundbreaking ceremony.
Nagkakantidad hin sobra P8.2 billion an nasabi nga proyekto nga ginlalauman mahuhuman ha sulod han tulo ngada ha upat katuig.
Pag eksplikar ni Garcia, pira kadekada an ira ginhulat para madayon an pagtukod han bag-o nga building han komisyon.
Simbolo daw gihapon ine han pagkaruyag han COMELEC nga magin independent constitutional body agud mapatud-an hine an pagkakamay-ada hin dungog ngan dignidad.
