Ginpapaimbestigahan han grupo han health advocates ha Office of the Ombudsman hi Acting Health Secretary Jose Pujalte Jr. mahitungod ha pagpugong ha procurement han tubeculosis (TB) medicines ngan medical supplies para ha 2026.
Gin hangyo gihapon han mga ini nga igpailarom an bag-o nga tulod nga sekretarya ha preventive suspension.
Kadungan hini in karuyag gihapon han grupo nga pasakahan hi Pultaje hin kaso nga graft ngan tanggalon ha pwesto mahitungod ha gin aalegar grave misconduct, grave abuse of authority, ngan conduct prejudicial to the best interest of the service.
Rason han grupo, nagpapabilin nga naka-freeze an procurement bisan mayda gin alutaga an Kongreso nga P3.2 bilyon para ha anti-TB program.
Gintudlok han mga ini an impormasyon nga ira natirok nga daw nagpapakita nga gintuyo nga madelatar an bidding process agud paboran an usa nga waray ngarani nga supplier.
An reklamo in nakasulod ha 18-page complaint nga ginsalwad han anonymous health advocates ha Office of the Ombudsman.
Mababaruan nga ginsaliwanan ni Pujalte hi anay Health Sec. Teodoro Herbosa, haros usa kabulan na an nakalalabay kasunod han pagbubul-iw hini ha nasabi nga pwesto.
