ODD – Usa nga babaye ha Ohio, USA an nahikalasan han mahibaruan nga an ginpalit hine nga kadaan nga painting ha usa nga thrift store ha kantidad nga $2.99, in orihinal nga obra ngay-an han sikat nga pintor nga naibaligya ha usa nga auction hin haros $2,875
Hi Marisssa Alcorn, upod an iya fiance han kumadto hira ha usa nga Goodwill store mahuman nga manihapon.
Samtang nangingita ha nasabi nga second hand shop, may napansin ine nga usa nga luma nga frame nga bag-o nga igin gawas tikang ha storage han nasabi nga tindahan.
Sumala kan Alcorn, dire talaga niya karuyag an mismo nga painting pero mahitungod nga barato ine in iya ine ginpalit.
Pag-abot ha ira balay in nag-search ine ha internet ngan nahikalasan ine han mahibaruan nga an painting in himo han sikat nga American impressionist nga hi Johann Berthelsen.
Gindara ine niya ha Caza Sikes, kun diin ginkumpirma han mga eksperto nga tinuod nga obra ni Berthelsen an kapot niya.
An painting in mayda titulo nga “Chapel, St. Patrick’s Church” ngan ginpasubasta nga naibaligya hin $2,875.
