ODD – Usa nga 36-anyos nga babaye ha Connecticut, USA an nakapaghipatik hin duha nga world record tungod ha iya mga tattoo ngan body modifications.
Ginkumpirma han Guinnes World Records nga hi Esperance Lumineska Fuerzina an pinakabag-o nga world record holder han titulo nga “The Most Tattooed Person (Female)” Ini in tungod an 99.98% han lawas ni Fuerzina in mayda mga tattoo.
Labot hini, nakuha gihapon niya an world record title nga “Most Body Modifications (Female)” tungod nga mayda hiya 89 body modifications. Pira na dinhi an iya mga body piercings, ngan an iya “split tongue” kun diin ginpaopera niya an iya dila agud magin kaparehas han dila han halas.
Sumala kan Fuerzina, dire pa hiya human ha iya tattoo and body modification journey. Dire pa niya aram kun ano pa an iya igdudugang ha iya lawas pero sigurado hiya nga dire pa hiya maundang hini.
