Nagdig-on hi anay Presidential Spokesperson Atty. Harry Roque nga dire hiya kusa nga malakat labot nala kun personal hiya nga papaulion ni anay Presidente Rodrigo Duterte.
Ha usa nga pahayag, gin malatumat ni Roque nga magpapabilin hiya ha The Hague, Netherlands agud suportahan hi anay Presidente Rodrigo Duterte ha gin kakaatubang hine nga kaso ha International Criminal Court (ICC).
Ginbuhat han abogado an nasabi nga pahayag ha kaluyo han nauna nga pahayag han legal counsel ni Duterte nga hi Nicholas Kaufman nga dire daw karuyag han anay presidente nga makialam hi Roque ha iya kaso.
Iginduon pa hi Kaufman nga mas maupay nga kaatubangon nala ni Roque an ira kalugaringon nga mga kaso ha Pilipinas.
Pero igin duon ni Roque nga nagpatapod hiya nga dire niya babayaan an anay presidente.
Duon pa hine, magpapabilin hiya kutob ha katapusan.
Gin klaro gihapon ni Roque nga waray hira away ni Kaufman mahitungod nga waray man hiya labot hine.
