TACLOBAN CITY- Gin-aaghat an ngatanan nga Romano Katoliko, nga maki-usa ha pagdudumaraon Ash Wednesday, o pagtikang hiton Kwarisma buwas nga adlaw.
Sumala kan MSGR. Gilbert Urbina, Vicar General Archdiocese of Palo, Co- Cathedral Parish, kumo pagtikang hiton Kwarisma, nagkakamayda hin gintatawag nga Ash Wednesday, kun diin an mga deboto nga katoliko in nagpapabutang hin krus ha ira mga agtang, gamit an mga ginsunog nga ginbinditahan nga lukay han nakalabay nga tuig.
Dugang pa ni Fr.Urbina, an Ash Wednesday in katikangan hiton ika-40 nga adlaw ugsa an adlaw hiton Pasko, o pagkabanhaw ni Hesu-Kristo.
Gintagan duon ni Fr. Urbina, nga an pagbutang hin krus nga abu ha agtang han mga deboto katolika, in pagpahinumdom ha mga ine nga an ngatanan in tikang ha tuna o tapo-tapo, ngan ha tapo-tapo la ngahaw mabalik an ngatanan.
Ginmalatumat hine, nga an mga deboto nga nagpabutang hiton krus ha ira agtang, kalakip bisan adton mga waray in mayda tagsa nga kagawasan nga maghimo hiton ira gintatawag nga sakripisyo, pag-aayuno nakadepende ha ira mga ginkakahiligan nga buhaton kinada adlaw.
