TACLOBAN CITY– Gin-aaghat han Archdiocese of Palo an publiko, partikular na adton mga deboto nga Katoliko, yana nga adlaw nga ig-obserba an pagtikang hiton kwarisma o 40 ka-adlaw ugsa an pagkabanhaw ni Hesu-Kristo.
Sumala kan Archdiocese of Palo, Social Media Coordinator, Fr. Chris Arthur Militante, kinada-tuig gindudumdom an Ash Wednesday, kun diin an pira nga mga deboto in nagpapabutang hito uring nga cross ha ira mga agtang, kumo simbolismo han ira pagigin katoliko.
Dugang pa ni Fr. Militante, mahagos ine hin 40 ka-adlaw ngan an nasabi nga panguring hiton agtang in senyales nga nagtikang na iron kwarisma.
Ginmalatumat pa ni Fr. Militante, nga magpartisipar an publiko ha mga buruhaton hiton singbahan, tungod nga magigin damo an aktibidadis kinada ginitatapo an semana santa.
