NATIONAL NEWS– Utro nga gin-abrihan han Department of Transportation an aplikasyon para ha consolidation ha tanan nga mga public utility vehicles ha nasud.
Ine in ha ilarom han Public Transport Modernization Program han gobyerno nga panuyo mapaupay pa an transport system ha Pilipinas.
Subay ha ahensya, nakasulod ha Department Order No. 2025-009 nga ginpirmahan ni Transportation Secretary Vince Dizon an pira nga mga kinahanglan sundon han individual operators ngan drivers nga dire pa mga consolidation program.
Sakop han kamanduhan an mga public utility jeepney magin an mga UV Express operators nga pakyas magpa consolidate.
Labot dinhi, cover hine an may presente nga aplikasyon o motion to accept consolidation ngan mayda mga unit nga ginkumpirma han Land Transportation Franchising and Regulatory Board ngan nakarehistro ha LTO para ha tuig 2023 o 2024.
Panuyo han programa nga gintikangan hadton 2017, ngan balyuan han mga Euro 4-compliant engine an mga pampasahero nga jeep agud nga ibanan an polusyon.
