SPORTS – Nagkasarabot an Dallas Mavericks ngan Washington Wizards para ha eight-player blockbuster trade.
Tumugot an Dallas nga i-trade an 10-time All-Star big man nga hi Anthony Davis kaupod an guards nga hira Jaden Hardy, D’Angelo Russel ngan Dante Exum pakadto ha Wizards.
Kabalyo nira Davis hira Khris Middleton, Aj Johnson, Malaki Branham, Marvin Bagley III, ngan duha nga first-round draft picks ngan tulo nga second-rounders.
An blockbuster trade in natabo usa ka-adlaw ugsa mahuman an trade deadline ha NBA.
Kun babalikon an kabug-usan nga pagpapabilin ni Davis ha Mavericks in tikang han hiya in ma-trade tikang ha Los Angeles Lakers, umabot la ha 29 games an iya nahimo nga pagmumulay mahitungod ha magkadurudilain nga injuries.
Sugadman, nagpapabilin nga hataas an produksyon han bigman, kapwa ha scoring ngan defense. Kapot niya an average nga 20.1 points ngan 11.1 rebounds per game sakob han 20 games nga iya ginmulay yana nga season.
