NATIONAL – Arestado hi anay PCol. Royina Garma ngan anak hine nga hi Angelica Garma Vilela ha San Francisco, California, USA dida han nakalabay nga Nobyembre 7, subay ha Department of Justice (DOJ).
Gin kumpirma naman ine ha Philippine National Police (PNP) ngan Department of Interior and Local Government (DILG).
Sumala kan PNP PIO Chief & Spokesperson PBGen. Jean Fajardo, basar ine ha pakikig-sumpayan nira ha directorate for intelligence han PNP.
Naka-detine na daw ha US immigration hi Garam kaupod an anak hine.
Waray pa naman impormasyon an national police kun anu an basaranan han pag-aresto pero pagklaro ni PBGen Fajrdo, waray hold departure order nga gin isyu an korte han Garma ngan gin release na ine ha kustodiya han Congress sanglit nakagawas ine ha nasud.
Labot pa hine in waray daw gihapon gin pasaka nga kaso kontra ha Garma.
Manunumduman nga usa nga hi Garma ha mga tumestigos ha daw EJKs ngan reward system ha kampanya kontra ilegal nga droga dida han administrasyon ni anay Presidente Rodrigo Duterte.
Samtang, sumala kan Secretary of Justice Jesus Crispin “Boying” Remulla, gin manduhan na niya hi Commissioner Joel Viado nga pangunahan an pagpapabalik kan Garma tikang ha Amerika pabalik ha Pilipinas.
