NATIONAL–Tumalikod na ha kadayunan hi anay House Speaker Jose de Venecia Jr. ha edad nga 89, sumala ha iya umangkon nga hi Joan nga nagpaangbit han balita.
Hi De Venecia, kilala kumo “Manong joe”, in nagserbe kumo Speaker sulod hin 13 katuig nga dire magkasurunod, kalakip an mga termino tikang 1992-1998 ngan 2001-2008.
Usa hiya nga haligi han partidong Lakas-CMD ngan nagin pangunahon nga tagasuporta han Dollar Remittance Program para ha mga pamilya nga nakadepende ha overseas workers.
Ginpanganak naman hiya ha Dagupan City, Pangasinan, han ika 31 han Disyembre, 1936, ngan nag-eskwela ha De La Salle University ngan Ateneo de Manila University.
Nabilin niya an iya asawa nga hi Rep. Gina de Venecia ngan 6 nga anak.
Labot la ha pulitika, nagserbe gihapon hiya kumo kolumnista.
An iya pamana in nakikit-an ha iya abilidad nga bumugos hin koalisyon gan makig-koordinar ha mga kritikal nga istorya nga pan-nasud ngan pankalibutan.
Photo Courtesy | Universal Peace Federation UK
