TACLOBAN CITY – Gin anunsyo dida han Sabado, Pebrero 8, 2025 durante han katapusan nga adlaw han pagdudumara han National Tingog Summit 2025 an napulo (10) nga mga nominees han Tingog Partylist para han #TheVote2025
Ha mga igin anunsyo in maoobserbaran nga diri na hi Congresswoman Yedda Marie Romualdez an 1st nominee, kundi an anak na hini nga Andrew Julian Romualdez nga anak gihapon ni House Speaker Martin Romualdez.
Waray iginpasabot kun ano an nagin rason han mao nga desisyon nga nagin 6th nominee hi Congresswoman Yedda Romualdez.
Nagpapabilin naman nga 2nd nominee hi Congressman Jude Acidre, 3rd nominee hi Happy Calatrava, 4th nominee hi Alexis Yu, 5th nominee hi Paul Richard Muncada, 6th nominee hi Cong. Yedda Marie Romualdez, 7th nominee hi Aref Usman, 8th nominee hi Liza Barrientos, 9th nominee hi Jaime Go ngan 10th nominee naman hi Glenn Jude Rufino.
Gusto naman daw nga pumahuway la anay ha pulitika hi Yedda, rason para naman nga dumalagan an anak hini.
Pareho nga nadalagan ha magkalain nga posisyon an anak ni House Speaker, hi Andrew Julian ha Tingog Partylist, hi Ferdinand Martin Jr. naman in nadalagan pagka Konsehal ha syudad han Tacloban, Leyte.
