TACLOBAN CITY –Presuhan an gindangatan han usa nga 34-anyos nga Amerikano mahuman hini kastiguhon an 17 anyos nga bata nga bumaribad nga makipaghilawas ha iya.
Subay ha report tikang ha Police Regional Office 8, banda 1:15 han kaagahon kakulop ( Oktubre 2 ) gin imbitar ni Nadeer Haleem, taga Raleigh, North Carolina, USA, an biktima ha iya apartment ha Purok 3, Barangay Canlapwas, Catbalogan City, Samar para makig inom.
Mahuman daw an duha kaoras, nagsarit an bata kan Haleem nga mauli pero waray ini tumugot tungod nga waray pa natatabo haira.
Tungod nga nagbaribad an biktima nga makipaghilawas ha foreigner in ginkastigo ini niya rason nga nag angkon hin mga samad an biktima ha iba iba nga parte han iya lawas.
Ha pagkayana in nagpapabilin nga nakapaslak an suspek ha Catbalogan City Police Detention Facility ngan naatubang hin kaangayan nga kaso.
