NATIONAL – Ginpasakahan han Department of Justice han 62 counts han money laundering cases hi dismissed Bamban, Tarlac Mayor Alice Guo.
Hi Guo nga presente nga aada ha kustodiya han Pasig City Jail matungod ha kaso nga 26 counts han pagtalapas ha Anti-Money Laundering Act/
Kaupod gihapon nga naatubang ha parehas nga kaso an kag-anak hini nga hira Jian Zhong Go ngan Lin Wenyi sugad gihapon an mga bugto hini nga hira Shiela ngan Seimen ngan 26 nga iba pa nga dabi ha operasyon nira han Philippine Offshore Gaming Operators.
Basar ha 48 page resolution nga ginpagawas han DOJ panel of prosecutors nga an mga halin tikang ha POGO ha Baofu compound nga gintatag-iyahan ni Guo in igbabalhin ha iba nga mga lehitimo nga negosyo han pamilya.
Tuig 2023 han ginraid han mga otoridad an POGO ha Baofu compound kun diin nakaaresto hira hin 300 nga langyawanon nga kadam-an in mga Chinese.
Dida han 2024 in turo nga ginraid an nasabi nga lugar kontra kan Zun Yuan matungod ha pagkakadabi ha labor trafficking, cryptocurrency scams, love scams ngan investment fraud.
Ginkumpirma ni Prosecutor Gen. Richard Anthony Fadullon nga naipasaka na nira an kaso ha Korte ha Capas samtang an resolution in ginpagawas dida han Enero.
