NATIONAL NEWS – Umatender ha senado kanina han aga ha sulod han 3 kabulan, mahuman nga tumakas an ginpalusad nga alkalde han Bamban, Tarlac Mayor Alice Guo, kun diin ginsukna ine han mga manbaralaod ha pakatamay hine ha balaod han Pilipinas.
Ha nasabi nga hearing ha senado, gin-gisa hi Guo hin mga pamakiana, kun diin kaparehas han una nagdidiwara la gihapon ine.
Ha mao nga hearing, ginpakianhan ni Sen. Risa Hontiveros, an tagmangulo han Committee on Women, Children, Family Relations ngan Gender Equality, kun ine ba hi Alice Guo ngan hi Guo Hua Ping in uusa?
Ginbaton naman ine ni Guo, kun diin ha iya nagin baton hiya in hi Alice Guo, nga nagresulta naman hin pag-isog hiton pira nga mga senador.
Mababaruan, ginkumpirma han National Bureau of Investigation nga magkaprehos han fingerprints ni Guo an Chinese national nga hi Guo Hua Ping.
Dugang naman ni Hontiveros, makikipagbinuligay an senado ha bisan hain nga korte para la makipagkooperar hi Alice ha ira mga pamakiana.
