SPORTS – Titikangan ni Pinay tennis star Alex Eala an iya pangandaman ha usa pa nga Grand Slam tournament an US Open ha pamamaagi han pag-api ha National Bank Open ha Canada.
An National Bank Open in usa nga WTA-1000 level tournament nga usa nga pangandaman para kan Eala ha pag-api hini ha US Open nga magtitikang naman tikang Agosto 24 kutob Setyembre 7.
Kaupod han ranked 56 ng ahi Eala ha main draw han National Bank Open an pira nga mga bigatin nga ngaran ha tennis nga hira Aryna Sabalenka han Russia, Jessica Pegula ngan Coco Gauff han US, Iga Swiatek han Poland ngan Jasmine Paolini han Italy nga mga Top 5 WTA players ha pagkayana.
Manunumduman nga nakagmulay na hi Eala ha French Open ngan Wimbledon kun diin pakyan hiya samtang nakaabot naman hiya ha finals han Lexus Eastbourne Open.
Matatabo naman an torneo ha Canada tikang Hulyo 26 kutob Agosto 7.
