SPORTS – Gindomina han Pinay tennis star nga hi Alex Eala an mulay kontra kan Paris Olympics silver medalist Donna Vekic ha nagpapadayon nga Kooyong Classic ha Melbourne, Australia.
An nasabi nga torneo in usa nga exclusive, by-invite exhibition tournament nga ginkakadabihan han mga kilala nga tennis staar ugsa an nakatalaan nga Australian Open.
Nauna na nga ginpirde ni Eala hi Vekic ha kahuhuman la nga ASB Classic ha Auckland kun diin umabot pa an ira mulay ha deciding set kun diin gindomina gihapon ni Eala an nasabi nga match.
Yana nga tuig, nahipatik ni Eala an upat nga daog ha iya lima nga singles match ugsa an ginaabangan nga pag-api niya ha Australian Open.
Samtang, parehas naman nga nakatalaan nga umapi hira Eala ngan Vekic ha WTA125 Philippine Women’s Open yana nga bulan.
