TACLOBAN CITY – Pormal nga nagsalawad ha Baybay City, Regional Trial Court 8th Judicial Region Branch 14, hi Albuera Mayorality Candidate Kerwin Espinosa, agud magsalawad hin kaso nga Frustrated murder.
Una hine han nakalabay nga Abril 10, 2025, ha kasagsagan han iya kampanya ha Brgy. Tinag-an Albuera Leyte, nagkamayda hin shooting incident kun diin naigo ine kaupod an iya bugto ngan usa nga minor de edad nga bata.
Kataliwan naman han panhitabo, nasipatan an 7 nga mga kapulisan nga naka standby harani ha area han panhitabo, kun diin gintudlok an mga ine nga person of interest.
An pito nga pulis nga nakadto han area kun diin nahitabo an pamusil in waray maka-likay ha ginpasaka nga kaso hiton PNP nga illegal position of firearms ngan pagtalapas ha Commission on Elections gun ban.
Sumala kan Espinosa, kumo mga biktima han pamusil, magsasalawad hira kaupod an iya bugto ngan an usa nga minor de edad hin kaso, ngan igbubuyagyag niya nga usa ha pulis nga person of interest an pumusil ha iya han kasagsagan han iya pangangampanya.
Naninindugan ine nga makusog an kaso nga ira igpapasaka ala-kontra ha mga suspetsado.
Dugang pa hine, dire hiya nahadlok ha iya ginhimo nga pagpasaka hin kaso ha nasabi nga mga kapulisan.
Bantay sarado naman an mga security ni Espinosa, han umabot ine ha RTC Baybay.
Naglalaom naman hi Espinosa nga magigin malinampuson an iya ginpasaka nga kaso ngan matatagan hin hustisya an panmumusil ha iya.
