TACLOBAN CITY- Nakalatag na an mga aktibidades nga pagdudumaraon ha tiarabot nga Leyte Gulf Landings ha Palo Leyte yana nga tiarabot nga Oktubre 20, 2025.
Sumala kan Leyte Provincial Tourism Consultant and Former Mayor of Palo, Frances Ann Basillo Petilla, magigin solemn an selebrasyon ha ika- 81st nga anibersaryo han Leyte Gulf Landings yana nga tuig.
Dugang pa ni Petilla, ugsa iton katungtungan mayda mga aktibidad nga nakalatag ha Oktubre 18, titikangan ine han selebrasyon nga gintatawag nga Signal Day ha Tolosa Leyte, ngan ha Oktubre 19 naman an pagselebrar han pagdaog hiton mga Pilipino kontra ha mga Hapones ha Dulag Leyte.
Pagka-gabi naman hiton Oktubre 19, magkakamayda hin salo-salo para hiton mga bisita ha Palo Leyte.
Pagtungtong hiton adlaw han Oktubre 20, aabrehan an seremonya han ika-81st Leyte Gulf Landings pinaagi hiton sunrise ceremony kaupod an mga veterance, ngan susundan hiton wreath-laying ceremony para han mga fallen Filipino heroes, ngan magkakamayda gihapon hin parada kun diin malibot ine ha Palo syudad hiton Tacloban.
Ginmalatumat pa hine nga magigin whole day celebration Leyte Gulf Landings, kun diin magkakamayda pa hira hin sunset ceremony ha mao nga adlaw.
Ginpaangbit pa hine nga waray yana magigin reenactment dire parehos han nakalabay nga tuig, pero ginsigurado hine nga magigin special an selebrasyon.
Imbitado naman an ngatanan nga maki-usa ha nasabi nga selebrasyon han Leyte Gulf Landings 2025.
Mababaruan nga parte na hiton historya ngan kultura han mga Leyteño an pagdumdom han nagin sakripisyo ngan kaisog han mga Pilipino.
