NATIONAL NEWS– Ginbatikos han Akbayan Partylist hi Senator Robin Padilla kasumpay ha ginduduso hine nga balaodnon nga pahamub-an an edad han criminal responsibility tikang ha 15-anyos ngadto ha 10-anyos, kasunod ine han panmusil ha San Jose National High School sa Tacloban City.
An insidente hadton Hunyo 22, in ginkamatay han 3 nga estudyante, kun diin dabi an 2 nga minor de edad.
Ha usa nga social media post, ginmalatumat ni Akbayan Party-list President Rafaela David nga ginsisingabot han senador an trahedya agud nga igduso an balaodnon nga ira ginbabalabgan.
Gintagan duon han grupo nga an pagkaka-preso han mga kabataan in dire maikokonsidera nga epektibo nga rehabilitasyon, labi na nga dire pa bug-os an ira huna-huna ha sakto ngan sayop nga binuhatan.
