Nagpahimatngun an Philippine Institute of Volcanology and Seismology o PHIVOLCS nga posible magpadayon hin pira ka-semana kutob usa ka-bulan an mga aftershock mahuman an magnitude 7.8 nga linog nga umigo ha Sarangani dida han Hunyo 8, 2026.
Basar ha pinaka-urhi nga datos, maabot ha sobra 130 nga aftershocks an nahipatik han ahensya kun diin, an pinaka-makusog din hi in magnitude 6.7.
Bisan man an kadam-an han mga aftershock in mahinay, ginmalatumat han PHIVOLCS nga may posibilidad la gihapon nga makaabat hin mas makusog pa nga pagbay-og an lugar ha mga masunod nga adlaw.
Nagpapabilin naman an tsunami warning ha pira nga coastal areas. Ginsagdunan gihapon an mga residente nga nakaukoy harani ha baybayon nga dayon mag-ebakwit kun may ginpapagawas nga pahimatngun an mga otoridad.
Samtang, nagios naman an magkadurudilain nga ahensya han gobyerno para ha rescue ngan relief operations. Ginmandohan na gihapon an Department of Social Welfare and Development nga mag-andam hin bulig para ha mga apektado nga residente ngan siguradohon nga maupay an evacuation centers.
