NATIONAL NEWS– Nanindugan an Armed Forces of the Philippines (AFP) ha posisyon nga dire nira igsusurender an bisan usa ka-pulgada nga teritoryo han Pilipinas kasunod han pahayag ni Sen. Rodante Marcoleta nga alagid-agid nga nagpapahayag nga igsurender an Kalayaan Island Group (KIG) matungod ha tensyon ha butang hiton China.
Sumala kan AFP spokesperson for the West Philippines Sea Rear Admiral Roy Vincent Trinidad, mandato han Sandatahang Lakas ng Pilipinas nga protektahan an soberanya ngan integridad han nasud.
Kalakip ha teritoryo nga iginpatapod nga poprotektahan han AFP an Kalayaan Island Group ngan Bajo de Masinloc, nga gin-aangkon han iba nga nasud.
Ginmalatumat ni Rear Adm. Trinidad, bisan sano ine waray an mga ine magruwa-duha nga atimanan an ira mandato nga trabaho.
Manunumduman, ginpahayag ni Marcoleta ha Committee on Appointments nga igsurender na an KIG, pero ginklaro hine nga “taken out of context” .
Butang nga ginbaribaran nira Senate Majority Leader Miguel Zubiri ngan Senate President Pro Tempore Ping Lacson an ideya han pagsurender ha nasabi nga teritoryo ngan gindig-unan nira nga klarado an prinsipyo nga dire igsurender an Pilipinas kaupod an West Philippine Sea ngan Kalayaan Island Group.
