TACLOBAN CITY – Gin pahibaro ni Wilson Lao hiton Everlasting Forwarding Corporation nga ha masunod nga semana pa sasabuton kun ano an magigin adjustment han mga presyo han lana.
Sumala kan Wilson Lao hiton Everlasting Forwarding Corporation, gin hurob-hurob nga maabot ha P15 an ig uumento ha kada litro han lana.
Mahitungod hini in makikig-negosasyon hira ha ira mga costumers kun uunanhon nira pag-adjust han pamresyuhan nga dire hira malulugi, sugadman in dire gihapon malulugi an costumer.
Ginmalumat gihapon hini nga mas makuri an pag-adjust yana han presyo han lana mahitungod han ferry, kun diin magmamahal gihapon an bayad hini ha pagkarga han mga goods, ngan kinahanglan gihapon ig konsidera an lube oil. maintenance, spare parts, ngan iba pa nga kagarastuhan han ferry.
Dugang pa ni Lao, dako gihapon an posibilidad nga kun mag-umento ngani an presyo han lana in tigda o usaan la an pagpatuman hini, ngan madepende nala ha negosasyon han kada negosyante an magigin adjustment hini.
