TACLOBAN CITY– Nagpapadayon an ginhihimo hiton Comelec Province of Leyte, nga Automated Counting Machine (ACM) roadshow kumo alinsunod ha nationwide kick-off ACM demonstration ha bug-os nga nasud.
Sumala kan Comelec Province of Leyte, Election Officer Atty. Maria Goretti Cañas, nga magpapadayon an nasabi nga ACM roadshow kutob ha katapusan hiton Enero 2025.
Dugang pa hine, pananglitan nga mahuman na an ACM roadshow, han tanan nga mga municipalities, cities and provinices, in igbabalik ine ha national office hiton Comelec, matungod nga ig re-reprogram ine utro, ngan ine an gagamiton nga contingency ACM para hiton 2025 Local and National Election.
Ginmalatumat hine nga alinsunod ha mandato, kinahanglan nga ig libot an nasabi nga ACM, pero mahitungod ha haligot nga panahon an naka-alutaga, ginsuhestyon han ira buhatan nga ig-cluster nala adton mga barangay, kun diin mamimiling an mga ine hin haluag nga lugar nga pwede an mga ine magkatitirok.
Panuyo hine in agud nga magkamayda an publiko, hin voting experience han bag-o nga Automated Counting Machine ACM, nga gagamiton ha 2025 Midterm Election.
