BASAHA | Gindeklara han Sangguniang Bayan han Abuyog pinaagi han usa nga ginsumite nga resolusyon, an persona non grata ha Strongbuilt Mining Development Corporation ngan ha mga Corporate Heirs hini, Assigns ngan successors-in-interest.
Ini in kumo pagkondinar ha ginbuhat nga pag-apply nira hin black sand mining permit nga waray man la konsultasyon ha mga komunidad nga maapektaran sugad ha Abuyog, Dulag, Mayorga, MacArthur, Javier, ngan kapakyas nga pag-aro hin permiso ha local government unit ha mga nasabi nga munisipalidad.
Nagdesisyon an lokal nga pangobyernuhan han Abuyog nga tuldukan an nasabi nga isyu ngan atohan ngan pugngan an mga sumurunod nga mga mining companies nga dire narespeto ha katungod han komunidad ngan proteheran an karibungan han ira bungto.
