Nagdurot hin emergency response an pagbunggoay han usa nga tanker ngan cruise ship ha Mississippi River harani ha Port of New Orleans ha Louisiana, United States.
Natabo an insidente banda alas 12:30 han bumunggo an Atlantic Asphalt tanker ha American Heritage han American Cruise Lines samtang naka-angkla ini.
Dayon nga rumesponde an Coast Guard, pulisya, bumbero ngan medical personnel agud isalbar ngan tagan hin atensyon medikal an mga pasaheros ngan tripulante, gindara an mga ini ha Port of New Orleans Administration Building para ha pangita ngan kadugangan pa nga assistance.
Samtang, padayon an operasyon ngan imbestigasyon han mga otoridad kasumpay ha insidente.