Umabot ha P524 milyon an kantidad han mga gintutuohan nga smuggled agricultural products an nasakote ha gindumara nga operasyon han Bureau of Customs ngan National Bureau of Investigation ha usa nga warehouse ha Valenzuela City.
Armado han search warrant, gin-raid han BOC an Everfresh Cold Storage Facility ha Barangay Dalandan, kun diin natad-an an mga produkto tikang ha China ngan iba pa nga nasud.
Kaupod ha mga nadiskubre an smuggled carrots, luy-a, munggo, mani ngan maabot 99,000 nga sako han sibuyas.
May mga indibidwal na nga kapot ha pagkayana an mga otoridad pero dire pa nakukumpira kun an mga ini in tawo o tag-iya han nasabi nga warehouse.
Posible naman nga maatubang ha kaso nga pagtalapas ha Anti-Agricultural Economic Sabotage Act an mga mapapamatud-an nga responsable ha ilegal nga pagsulod han mga produkto ha nasud.
