Umapela an kampo ni Vice President Sara Duterte nga padayon nga igpatuman an Rule 18 han Senate Impeachment Court rules nga sub judice rule para ha tulo nga Articles of Impeachmet nga syahan nga ginbawi na han prosekusyon.
Sumala kan Senate Impeachment Court Spokesperson Atty. Reginald Tongol, hangyo ini ni VP Duterte ha manifestation han defense team nga iginsalawad dida han November 4.
Nakasurat dinhi nga karuyag han bise presidente nga padayon nga igpatuman an impeachment rule 18 o sub judice rule o pagbabawal nga paghingadayan ha publiko o ha media an merito han kaso.
Ini in agud mapabilin an integridad han impeachment proceedings ngan mairespeto an constitutional rights ni VP Sara.
Ginmalatumat gihapon hini nga dire interesado hi VP Duterte ha trial by publicity.
Manunumduman nga dida han Oktubre 13 an katapusan nga adlaw han presentasyon han House Prosecution Panel, igin-ugsod an Articles of Impeachment kun diin gintanggal ni Impeachment court presiding officer Chiz Escudero an sub judice rule nga nangangaruyag-sidngon nga gintatagan hin kagawasan an prosekusyon ngan depensa nga paghingadayan an tulo nga igin atras nga articles of impeachment ha gawas han impeachment court.
